Onte mércores retomamos as xuntanzas no centro de día de Tomiño para compartir momentos especiais cos nosos maiores.
Desta volta foron as escolas de Barro, Forcadela e Taborda as primeiras en intercambiar experiencias, coñecemento e cariño.
Grandes e pequenos tiveron oportunidade de facer ximnasia xuntos, cantar e bailar música tradicional galega, xogar a xogos tan tradicionais coma o dominó e a oca, facer peixes con materias de reciclaxe e pasar pola sala de relaxación e pola perruquería.
Foi unha mañá moi emotiva e gratificante na que todos gozamos moito, coma sempre grazas ao gran traballo e dedicación de todos os empregados do centro.
Xa nos tarda voltar!
